حاجات بنعملها من غير قصد

اشياء نفعلها بدون قصد !


لماذا عندما تكون بطارية (الريموت كونترول) ضعيفة نقوم بالضغط بقوة على الأزرار؟؟


يعني كدا تشحن البطارية!!؟؟


*************


لماذا نخفض صوت المسجل أو (الراديو) في السيارة عندما نشعر بأننا دخلنا بالطريق الخطأ؟؟؟


يعني كدا نعرف الطريق الصحيح!!؟؟


*************


لماذا نقول هدية مجانية؟؟ وهل يوجد هدية غير مجانية!!؟؟
بدون تعليق.!!!!!!!!!

*************


لماذا عندما نكون داخل المنزل والسماء تُمطر نتسائل: هل السماء تُمطر برة؟؟


يعني عمرها مطرت جوة على شان نسئل هالسؤال!!؟؟


*************


لماذا عندما نقرأ على الحائط 'احترس من الدهان!' لا نصدق بل نجرب ذلك بأصبعنا؟؟


يعني اللي دهن الحائط لازم يحلف!!؟؟


*************


لماذا عندما تكون منتظراً المصعد ويأتي شخص آخر تجده يضغط الزر أيضاً لطلبه؟؟


يعني انت كيس جوافة والإ تمثال واقف!!؟؟


*************لماذا نفتح فمنا عندما نقوم بإطعام الطفل الصغير؟؟


يعني إحنا اللي ناكل واللا هو!!؟؟


*************



منقووووووول

*************

احلي حاجه انك قلتي منقول أحب اجاوب ع شويه منهم بنضغط عشان لو فيه شوية الكتروليت ينتقل الي الأقطاب فيحدث التماس وبالتالي توصيل الكهربا وبالنسبه لاطعام الصغير عشان يعمل زيك تابع....

NO love found كتب:

احلي حاجه انك قلتي منقول أحب اجاوب ع شويه منهم بنضغط عشان لو فيه شوية الكتروليت ينتقل الي الأقطاب فيحدث التماس وبالتالي توصيل الكهربا وبالنسبه لاطعام الصغير عشان يعمل زيك تابع....

‎‏ هههه عشان يعمل زيك دنتا عسل اوي وعامللي جون سينا و ‏can u see me ‎هههه ‏ :Fun:

موضوع جميل بس برده ليا رد على بعض الاسئلة دى :لماذا نخفض صوت المسجل أو (الراديو) في السيارة عندما نشعر بأننا دخلنا بالطريق الخطأ؟؟1- علشان الصوت العالى بيعمل عند اى حد عدم تركيز فى اللى بيعمله يعنى بنخفض الصوت عشان الواحد يعرف يركز شوية فى اللى بيعمله وجربى تعمليها وافتحى التى فى وعلى الصوت على الاخر وافتحى كتاب واقراى بعدها جربى تخفضى الصوت وشوفى الفرق فى قدرتك على التركيز. 2-هدية مجانية:-لوقصدك على الاعلانات اللى فى التليفزيون بيبقى فى فعلا هدايا هدايا غير مجانية يعنى مثلا بيعملك تخفيض على منتج معين وده بيعتبره هدية برده. 3- معنى هل السماء تمطر بره: مش المقصود بيها تمطر بره او جوا المقصود بالجملة على بعضها " هى الدنيا بتمطر ولا لأ " وبعدين فى تعبير تانى بنفس المعنى برده احنا عندنا بنقول " هى الدنيا بتشتى ؟؟"طبعا ده على حسب ثقافة ولهجة كل بلد. 4- بالنسبة بقى لموضوع الدهان : كل واحد فينا جواه طفل الطفل ده مش كل حاجة بيصدقها بسهولة ،، بمعنى ان الطفل مابيصدقش ان الحاجة دى هى على حالها كدة الا لما يجربها بحواسه (شم - لمس - سمع - تذوق - رؤية ) وده بيطبقه الطفل على كل حاجة فى حياته لاول مرة بيلاقيها ،، احنا بقى بالطفل اللى جوانا ده لما نشوف حاجة لاول مرة منقدرش نصدق على طول الا لما نجربها بحواسنا وحتى لو صدقنا مش هيبقى على اقتناع تام بوجود الشئ ده وبالتالى لاااااازم تتمحى من ذاكرتنا. 5-موضوع المصعد بقى : بعض الناس بتعمل كدة مش الكل، واللى بيعملوا كدة ممكن يكونوا شايفين اللى واقف ده مثلا مشغول بمكالمة او سرحان وبيفكر فى حاجة يبقى اكيد اتشغل عن انه يشوف المصعد جاهز انه يطلبه ولا لأ 6- وزى ما قال ميزو موضوع انك تفتحى الفم اثناء اطعام طفل ده عشان يقلدك لان الطفل فى بداية حياته بيتعلم كل حاجة بالتقليد،، لو كان زى ما بتقولى كنا نسأل عن الحبو اللى احنا بنعمله مثلا 7- وبالنسبة للريموت كنترول بتبقى البطارية ضعيفة يعنى الاشارة ضعيفة بالتالى بتقربى الريموت اكتر من الريسيفر او التى فى علشان يلتقط الاشارة دى ، ولو فى ضغط على الازرار بقوة بيبقى ظن من الواحد فى البداية ان العيب فى الريموت مش البطارية بعد كدة بنبدأ نقرب الريموت تلقائيا من التى فى. يارب يكون كلامى واضح ومفهوم ولو فى أى رد طبعا مستعدة للنقاش وشكرا يا نور المنتدى كله على مجهودك

حد يقدر بقا ع استاذتنا ساسو ف علم الفلسفه الله أكبر بسم الله ما شاء الله ها مين عنده سوأل؟!!!

هسأل سؤال وهجاوب ع نفسي !!
ليه الطفل بيتعلم المشي قبل الكلاااام
عشان لو تعلم الكلاام الأول تيجي بقا تعلمه المشي هيجعرلك ويقولك منا بزحف اهوه وتمام ليه بقا ترخم عليا وتعلمني المشي ههههه

اولا يا ساسو مفيش كلام بعد كلامك شكرا اووووووى ليكى على ردك الجميل و المفيد ده يا عسل ^_^

kind heart كتب:

هسأل سؤال وهجاوب ع نفسي !!
ليه الطفل بيتعلم المشي قبل الكلاااام
عشان لو تعلم الكلاام الأول تيجي بقا تعلمه المشي هيجعرلك ويقولك منا بزحف اهوه وتمام ليه بقا ترخم عليا وتعلمني المشي ههههه

هههههههههههههه و الله عندك حق ^_^ و على حكاية الريموت انا بخبطه فى الحيطة بيرجع يشتغل تانى و ميقدرش يفتح بؤه لحسن هكسره هههه^_^

NO love found كتب:

احلي حاجه انك قلتي منقول أحب اجاوب ع شويه منهم بنضغط عشان لو فيه شوية الكتروليت ينتقل الي الأقطاب فيحدث التماس وبالتالي توصيل الكهربا وبالنسبه لاطعام الصغير عشان يعمل زيك تابع....

بالنسبة لما نأكل الطفل انا بهدده انى هاكل الاكل لوهو مأكلش وانا بعملها مع اختى و النتيجة انى باكل اكلها كله ههههه^_^

هههههههههههههههههههههههههه والله انتى عسل يا نور ،، يا ميزو افندى انا ليا فى علم النفس مش الفلسفة ، الفلسفة دى مش بطيقها اساسا،، وبالنسبة يانور لتعليم الطفل المشى قبل الكلام هشرحهالك ببساطة ،، فى حاجة اسمها النمو(نمو اى كائن حى) من العام للخاص يعنى الحاجة الكبيرة هى اللى بتنموا الاول وبعد كدة الصغيرة، مثلا الجنين فى بطن امه الاول بيتخلق الجذع بتاعه وبعد كدة الرجلين مينفعش الرجلين وبعد كدة يتركبلهم جذع ، يعنى الرجلين بما انها اكبر فى تكوينها من عضلات الفك واللسان هى اللى بتنمو الاول ،، كمان عشان تعلمى طفل حاجة لازم يكون عنده نضج فى العضو المسئول عن الحاجة دى يعنى لو جيتى تعلمى الطفل المشى وهو عنده 5 او 4 شهور لسة عضلاته صغيرة محصلهاش نضج اولا ممكن تعمله تشوه فى رجليه ثانيا هيشعر بالاحباط لانه معرفش يحصل على رضاكى من انجاز الشئ اللى انتى عايزة تعلميهوله

اختك بقى يا فالحة اللى بتاكلى اكلها كله بتسيبهولك من عينك لانها عارفة ان نفسك فيه هههههههههههههههههههههههه :lol!:

انا هيكون عينى فى الزبادى و شوربه الخضارو الرز المسلوق !!!!!! معتقدش هههههههههههه^_^

حلوة اوى سؤال والجواب اوى

انا بحب الاطفال مووووووووووووت بس اختى دى كانت كويسة وهى صغيرة دلوقتى بقت متوحشة هى عندها 4سنين و مجنناااااااااااااااانى ^_^

هههه والله الناس ده عسل أوي يا أنوس يعني أشطه التوبيكس العام بقي زي الفرفشه مبقاش يفرق كله بيقلب بضحك وهذار يارب متنكدنيش تاني

ربنا مايجيب زعل ابدا يارب
:82:

:| يارب :|