ّ¤؛¸¸,ّ,¤؛°`°؛¤ منتديات الجنرال¤؛`° °ّ¤؛¸¸,ّ,¤؛


أهلا بيك في منتداك سجل بسرعه في أقل من دقيقه ، في حالة عدم تمكنك من تفعيل عضويتك ، فسوف اقوم بتفعيل عضويتك ، نتمني أن تكون في صحه وعافيه



 
الرئيسيةاليوميةمكتبة الصورس .و .جبحـثقائمة الاعضاءالمجموعاتالتسجيلدخول
وحياة قلبي وافراحه.. وهناه بمساه وصباحه ما لقيت فرحان في الدنيا.. زي الفرحان بنجاحه gamd! كل حلم جميل في حياتنا.. ولا غاب في يوم عن بالنا:) وبنى لنا قصور وفرشها.. زهور في حياتنا ومستقبلنا ولقيتني في عز هنايا.. والدنيا فرح ويايا بتهني حبايبي معايا.. ونقول الكل ارتاحوا دا مفيش فرحان في الدنيا.. زي الفرحان بنجاحه الناجح يرفع ايده.. ونغني في عيدنا وعيده ونقول ناجحين.. ديما.. ديما على طول ديما:) ديما على طول ديما

شاطر | 
 

 لو ابوها رفع السماعه هتعمل ايه ؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زائر



الجنس : ذكر عدد المساهمات : 354
نقاط ومواضيع : 6672
السمعه في المنتدي : 30
تاريخ التسجيل : 15/04/2011
العمر : 22

مُساهمةموضوع: لو ابوها رفع السماعه هتعمل ايه ؟؟   الأحد يونيو 26, 2011 1:33 am



لو أبوها رفع السماعة هتعمل ايه؟


تخيل سعادتك كده مأنتخ علي السرير الساعة اتنين بالليل ومضلم الأوضة ومسلك سلك التليفون من الصاله وواخد غطس تحت اللحاف وفي وسط الأشواق الملهلبة.

بتحبني ياميدو؟
طبعا يا لولو ده انتي الهوا االي بتنفسه والميه اللي بشربها ( ناقص تقولها السجارة اللي بتكيفني
يعني مش هتتخلي عني أبدا

عمري ياحبي وحتي تنطفيء النجوم وحتي يقع القمروحتي يفوز الزمالك على الاهلى عيب تقولي كده يا لولو
سمعتي أغنية بحبك بتاعة رامي صبري؟.
اه مالها ياحبيبي....
.كل كلمة فيها بتفكرني بيكي يانور عيني بحبك نفسي أقولهالك وانا ايدي في ايديك....

وفجأه.
نعم يا.........؟ طبعا مش هكمل !!


أبوها السماعه

وهنا هنقول ستوب ونوقف المشهد ونبدأ نسأل السؤال هتعمل ايه ساعتها؟
أو نتخيل سيناريوهات مختلفة للي هيحصل بعدها ممكن مثلا تقفل السكة وطبعا لمدة اتناشر سنه قدام هتلاقي البت تليفونها مقفول ومبتجيش الكليه


أبوها السماعه

والسيناريو ده يجرنا لتساؤل تاني في الحاله دي
تعمل واد محترم بقي وتروح تتقدملها وغرضي شريف واسف ياعمي وجاي من الباب والكلام ده
ولا تبقي واد روش موديل 2007 خارج من الاجنص حالا وتخلي واحدة صاحبتها تكلمها؟
ولا تطلع ندل وتنفضلها واهو البنات اكتر من الهم علي القلب وتيجي واحدة مكانها؟ده سيناريو مكتمل محتمل للي ممكن يحصل


أبوها السماعه


فيه سيناريو تاني
.نعم يا.........؟......ده أبوها
ساعتها انت موش هتقفل السكة
ثواني ياعمي أنا والله بحب لولو بس مستني وقت أرتبط بيها


وهنا هيختلف رد فعل الأب حسب شخصيته

يعني ممكن يكون راجل جنتل ويقولك حب ايه ياحيلة الست الحاجة روح ياض العب بعيد

ممكن يكون راجل عقلاني
هو يابني اللي يحب حد يكلمه الساعة دي لو اختك ترضي حد يكلمها كده؟ يابني اللي بيحب حد ميخلهوش يعمل حاجه غلط ولو حتي باسم الحب
وعموما يابني ممكن أعرف انت عايز ايه دلوقت؟
وهنا هتبان نواياك يااما تاخد منه معاد تقابله وتكلمه وتشرحله ظروفك
يااما تقول ياعمي انا نفسي اكلمها وافضل معاها سنتين تلاتة لحد مااكوم نفسي وطبعا بما أنه راجل محترم فرده هيبقيتك....صوت سماعة بتتحط وسكة بتتقفل في وشك



أبوها السماعه


فيه سيناريو تالت أنك تطلع ندل وترد عليه ماتشتمش يابا الحاج انت متلم بنتك ياأخويا انا مضربتهاش علي ايدها وطبعا رد فعل الراجل علي بق زي ده يااما هيقع علي الكرسي من الصدمة وتسمع صوت (بابا بابا)
أو هيرد علي كلامك



أبوها السماعه


وممكن يبقي فيه سيناريو رابع أول ماابوها يدخل...هتلاقي لولو بتقولك
ثواني يا ميدو...بتدلعك ياعم مين قدك يابختك
فيه حاجة يابابا مخبطتش ليه قبل ماتدخل.
.معلش يا لولو اصلي كنت بدور علي حاجة معلش اني مخبطتش
.طيب يابابا عاوز حاجة؟
لا خلاص هدور في أوضة تانية



أبوها السماعه




وفيه سيناريو كمان
وده بقي محتاج واد ابن جنية وهو انك اول ماتلاقي صوت أبوها فجأة

ترقق صوتك علي قد ماتقدر وتعمل نفسك واحدة صحبتها وعشان السيناريو ده ينجح فانت محتاج أب اهبل عشان يصدقه
أو ممكن حاجة أسهل انك تتكلم بمنتهي الأدب انك أخو واحدة صحبتها وكنت بتسأل عن أختك لأنها لسه مرجعتش وفي الحالة دي يااما الراجل هيديك فاصل شتيمة في أختك وفي نخوتك وأخلاقك
أوعي تصدق نفسك وترد عليه لأنك مفيش أخت ولا حاجة


أو ممكن يطلع الراجل تربية فكرية ويصدق ويقولك أما توصل يابني ابقوا طمنونا
طبعا أنا مقلتش الموضوع من ناحية البنت بمعني لو أبوكي رفع السماعة (موش تعصب ضد حقوق المرأه لا سمح الله) بس لأن السيناريو معروف

.لو أبوها راجل ودمه حامي فيبقي اللي تقدر تعمله بس انها تكون لها علاقات في المستشفيات خصوصا قسم العظام عشان يتوصوا بيها و بيك انت كمان

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لو ابوها رفع السماعه هتعمل ايه ؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ّ¤؛¸¸,ّ,¤؛°`°؛¤ منتديات الجنرال¤؛`° °ّ¤؛¸¸,ّ,¤؛ :: ّ¤؛¸¸,ّ,¤؛°`°؛¤ مصطبة الشباب¤؛`° °ّ¤؛¸¸,ّ,¤؛ :: قسم المواضيع العامه-
انتقل الى: